Welcome visitor you can log in or create an account

Вяселлі

заглавная2

Марыце, каб Ваша вяселле сталася яркай незабыўнай падзеяй жыцця? Прапаноўваем правесці маляўнічае гожае вяселле на прыродзе, на беразе дзівоснага возера ў Парку-музэі інтэрактыўнай гісторыі «Сула».

Для Вас:

  • 4 залы для арганізавання ўрачыстасцяў;
  • вялізная тэрыторыя для фатасэсій;
  • камфартабельныя гатэлі для мешчання гасцей;
  • выязная рэгістрацыя;
  • лазня на дровах;
  • коннае суправаджэнне;
  • верталётная прагулка;
  • індывідуальны падыход да складання меню.

ВЫЯЗНАЯ ЦЫРЫМОНІЯ

Выязная рэгістрацыя - адна з найпрыгожшых падзей вяселля. Парк-музэй інтэрактыўнай гісторыі «Сула» мае ўсё патрэбнае для правядзення такой цырымоніі. Нашы менэджары зарганізуюць рэгістрацыю пад расхінутым небам, на ўлонні прыроды, па ўсіх канонах традыцыі і згодна з Вашымі пажаданнямі. Мы падрыхтуем арку - гэткую, як хочаце менавіта Вы, прыгатуем і прапануем ежу і напоі, а таксама прыдумаем нечакана цудны антураж. Выязная рэгістрацыя – выдатная мажлівасць далучыцца да шчасця маладых усёй радзіне і сябрам.Церемония

ІСТОТНЫЯ МОМАНТЫ АРГАНІЗАЦЫІ

Вясельны дзень – дзень толькі Ваш, маладой шчаслівай пары.

І зладзім мы яго так, як жадаеце і бачыце гэты дзень Вы.

У Парку-музэі інтэрактыўнай гістлорыі «Сула» мы рупімся пра тое, каб Вы атрымалі як найбольшае задаваленне ад Вашай непаўторнай падзеі. Каб усім запрошаным на Ваша вяселле дасталіся яшчэ й прыемныя бонусы…

Мы дапаможам Вам зладзіць усё – падабраць актораў, вядоўцаў, музыкаў, з улікам Вашых патаемных чаканняў. І хораша зарганізуем шоу-праграму.

мелочи

ВЯСЕЛЬНАЕ МЕНЮ

 Маючы багаты досвед арганізацыі розных імпрэз і вяселляў, персанал Парку-музэю інтэрактыўнай гісторыі «Сула» радасна і шчыра падможа Вам адказна скласці меню, дакладна разлічыць час падавання страў і напояў, выбраць найбольш пажаданы дэсерт. А таксама мы ствараем вясельнікам магчымасць папярэдняй дэгустацыі святочнага меню.

меню

 НАШЫ ЗАЛЫ

Урачыстыя залы Парку-музэю інтэрактыўнай гісторыі «Сула» – насамрэч ідэальнае месца для правядзення вяселля. Да Вашых паслуг шыкоўная стылёвая зала рыцарскай славы Каралеўская Асамблея, утульная панарамная ратонда, лёгкая, ледзь не паветраная Бальная зала і рэстарацыя «Пан Старкi», з узноўленай сярэднявечнай атмасферай.

старки бел

ПРЫЕМНЫЯ СЮРПРЫЗЫ

Парк-музэй інтэрактыўнай гісторыі «Сула» мае добрую звычку рабіць дарункі і прапаноўвае выдатныя бонусы падчас замовы ўрачыстасці на тэрыторыі Комплексу, залежна ад колькасці запрошаных гасцей.

Колькасць людзей Бонус
да 50 чалавек бясплатная фатасэсія
да 100 чалавек бясплатная фатасэсія, выязная рэгістрацыя, абслугоўванне фуршэту
звыш 100 чалавек бясплатная фатасэсія, выязная рэгістрацыя, абслугоўванне фуршэту, 50% зніжка на пражыванне маладым

Кантакты Вашага асабістага менэджара +375 (44) 544-54-51 или +375 (33) 644-54-51

Вяселле, зладжанае ў Парку-музэі інтэрактыўнай гісторыі «Сула», стане – паверце! - самым помным днём Вашага жыцця. Бо й напраўду мала ёсць мясцін у нашым Краі, дзе было б так утульна, цёпла і гасцінна, дзе ўсё адбываецца гэтак проста і адначасна кранальна, класічна ўрачыста і… бязмежна рамантычна.

 

* У матэрыяле выкарыстаны фатаграфіі з наступных крыніц: http://bunas.by/, http://balash.by/, http://organizator.by/, http://photo-video.by/, the-bride.ru, ;http://pushko.by/, http://etb.by/